Այսօր նորից զինվոր է զոհվել։ Գյուղում ապրող ընտանիքի զավակ է։ Գիտեմ, որ իշխանության մեջ եղողները դժվար են պատկերացնում, թե ինչ է զինվոր զավակ կորցնելը։ Նրանք հեռու են այդ վիճակում հայտնվելուց։ Իսկ հիմա իշխանության են գալիս հիմնականում բանակում չծառայածները։ Վաղը որ պատերազմ լինի, նրանցից որևէ մեկը ռազմի դաշտում չի հայտնվելու։ Դե էդպես է աշխարհի կարգը։ Ու հիմա էս իշխանությունից պետք է կարողանանք հնարավորինս ինչ-որ բաներ պոկել այդ զինվորների, սպաների համար։ Զոհվելուց հետո մեդալով պարգևատրելով չպետք է ավարտվի զոհվածի կամ վիրավորի պատմությունը։ Նրանց ընտանիքներին չենք կարող թողնել աղքատության ճիրաններում։ Պատգամավորներից գոնե մի քանի հոգի այս հարցերն անընդհատ պարտավոր են բարձրացնել։ Որովհետև ապրիլով ամեն ինչ չի վերջացել, ապրիլով ընդամենը նոր փուլ է սկսել։Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
