Էն օրը տեսնեմ՝ Արաբկիրի թաղապետն իր էջում Երևանի քաղաքապետի խորհրդականի ու արաբկիրցիների հետ հանդիպումից լուսանկարներա տեղադրել, ինչ-որ հանձնարարականներ տվել և այլն: Սիրտս չտարավ, ասի գուցե մարդը մոռացելա, ևս մեկ անգամ հիշեցնեմ, որ թաղապետարանից 200 մետրի վրա մի 20 մետրանոց բանուկ ճանապարհ կա, որից վաղ միջնադարի հոտ է գալիս, ու որ լավ կլիներ՝ դա սկզբի համար բարեկարգեին, մինչև լուրջ դեմքով հանդիպումներ ունենալը: Հա, նաև խնդրեցի քաղաքապետի խորհրդականին փոխանցել, որ քաղաքապետարանի մասնագետների կեսը, եթե ոչ բոլորը, ձրիակերներ են, ովքեր գործ անել չգիտեն: Իսկ թե ինչպես վարվեց թաղապետը, շատ հուզիչ էր: Նա (կամ նրա էջը վարողը) ջնջեց մեկնաբանությունն ու անձնական նամակով ինձ մեղադրեց ինքնագովազդով զբաղվելու մեջ  Հետո կրկին ուղարկեց այդ հարցի հետ կապված այն պատասխանը, որ տվել էր այս տարվա մարտ ամսին, այսինքն՝ 7 ամիս առաջ: Իսկ պատասխանն այն էր, որ տարածքն իբր մասնավոր է ու միջնորդություն է ներկայացվել քաղաքապետարան, որ տարածքը վերադարձվի Երևան համայնքին կամ տրվի պարտաճանաչ վարձակալի:
Սկսեմ ինքնագովազդից: Ցանկության դեպքում ինքնագովազդի համար ես կունենամ այնքան լծակ, որքան ամբողջ Արաբկիրի թաղապետարանը չի կարող ունենալ, ու թաղապետի էջում ինքնագովազդվելն ամենավերջին տարբերակը կլինի իմ մասին հիշեցնելու: Ես դրա կարիքը չունեմ, ու ամենաքիչը կոռեկտ չի, երբ բնակիչը հետամուտա լինում իր բարձրացրած խնդրի լուծմանը, ու այն պաշտոնյան, ով պարտավոր է լուծել դա, նրան մեղադրում է ինքնագովազդի մեջ:
Իսկ հիմա թաղապետարան-քաղաքապետարան բառդակի մասին: Ի՞նչ է ստացվում. թաղապետը միջնորդություն է ուղարկում քաղաքապետարան ինչ-որ հարցով: ՅՈԹ ԱՄԻՍ այդ միջնորդության պատասխանը այդպես էլ չի գալիս, բայց ոչ մեկի, ներողություն արտահայտությանս համար, տանձին չի, թե ինչ կլինի այդ խնդրի հետ: Ո՛չ թաղապետարանից են հետաքրքրվում, թե ինչ եղավ իրենց միջնորդությունը, դե ո՛չ էլ քաղաքապետարանն է լայաղ անում պատասխանել:
Չգիտեմ՝ ում «հանճարեղ» գաղափարն է եղել նախկին ոստիկանին առաջադրել թաղապետի պաշտոնում, բայց հաստատ դա լավագույն որոշումը չի եղել: Այս մարդը կա՛մ պրոֆեսիոնալ չէ, կա՛մ էլ հավես չի անում աշխատի: Դե իսկ քաղաքապետարանի մասին ընդհանրապես չեմ խոսում: Կարևորը Փոքր Կենտրոնը բարեկարգված, քաղաքապետի ջերմոցներից բերված ծաղիկներով անճաշակ ձևավորված լինի, մնացած շրջանները նման թաղապետերով յոլա կգնան:
7 ամսից ավել է՝ Արաբկիրի թաղապետարանը 20 մ տարածքի բարեկարգման համար «չի կարողանում» իրավական հիմք գտնել:
3 ամսից ավել է՝ աչքս ջուր կտրեց՝ քաղաքապետարանի «մասնագետների» պատասխանին սպասելով: Չափազանց բարդ հարցա, որը մի քանի տարում հազիվ լուծում գտնի: Երևի դրսից մարդ հրավիրեն, տեղի փորձը չի հերիքի...
Ահա այսպես է լինում, երբ հոր վաստակի արդյունքում ոչ պրոֆեսիոնալ որդին քաղաքապետ է դառնում:
Ահա այսպես է լինում, երբ չգիտես՝ ինչի շնորհիվ նախկին ոստիկանը թաղապետ է դառնում...
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել