Արցախյան պատերազմի հպարտ մարտիկներն են` մեր վետերանները, որոնք այսօր էլ բանակի ու զինվորի կողքին են, ինչպես այս ապրիլին էր` հակառակորդի սանձազերծած լայնամասշտաբ ագրեսիայի ժամանակ. նրանք անմիջապես արձագանքեցին և նորից մարտադաշտ մեկնեցին կամավորականներից կազմված ջոկատներով:
#փառքուպատիվ ազատամարտիկներին
© #PANphoto / Karo Sahakyan
Մոնթե Մելքոնյանի անվան ռազմամարզական վարժարանի թմբկահարներն են, որոնք Անկախության հռչակումից հետո մասնակցել են հանրապետությունում կայացած բոլոր զորահանդեսներին:
Մոնթեի գաղափարներին հավատարիմ` վարժարանը 1300-ից ավելի շրջանավարտ է ունեցել, որոնց մի մեծ մասը համալրել է ՀՀ ԶՈւ շարքերը։
Հայաստանի Հանրապետության պետական դրոշի, ՀՀ ԶՈւ Մարտական դրոշի և ՀՀ Պահապան Խաչի դրոշակակիր խումբն է՝ զորահանդեսի հրամանատար, գեներալ-մայոր Անդրանիկ Մակարյանի գլխավորությամբ:
© #PANphoto / Vahan Stepanyan
«Աստված պահպանի հայոց անկախությունը»,- ասացին ՀՀ ԶՈւ գնդերեցները՝ պատասխանելով պաշտպանության նախարար Սեյրան Օհանյանի՝ 25 ամյակի առթիվ շնորհավորանքին:
© #PANphoto / Vahan Stepanyan
«Տիգրան Մեծ» շքանշանակիր ԼՂՀ պաշտպանության բանակի մարտիկներն են, որոնք ապահովում են Արցախի անվտանգությունն ու ժողովրդի խաղաղ կյանքը:
#փառքուպատիվ ԼՂՀ պաշտպանության բանակին
© #PANphoto / Vahan Stepanyan
«Մարտական խաչ» երկրորդ աստիճանի շքանշանակիր, առանձին հատուկ նշանակության բրիգադի զինվորներն են, որոնց շարքերում են կռվել ավագ լեյտենանտ Արմեն Հարությունյանը, սերժանտ Աշոտ Չախոյանն ու շարքային Սասուն Մկրտչյանը:
#փառքուպատիվ բրիգադի մարտիկներին
© DroDrone for #PANphoto
Մարտի դաշտում հատուկ հետախուզական խնդիրներ կատարելու համար նախատեսված հետախուզական ստորաբաժանումներն են: Նրանք միշտ պատրաստ են կատարելու իրենց առջև դրված ամենատարբեր խնդիրները հակառակորդի խոր թիկունքում:
Այս ստորաբաժանումները համալրված են գնդացիրներով, բարձր ճշգրտության հակատանկային կառավարվող հրթիռային համալիրներով, հեռահար նշանառու, ինչպես նաև ժամանակակից մարտ վարելու այլ գերճշգրիտ սպառազինությամբ:
© #PANphoto / Vahan Stepanyan
