Կնիքը հեշտությամբ մաքրվում է թաց անձեռոցիկի օգնությամբ Քվեարկությունից հետո անձնագրի վրա դրվող կնիքը հեշտությամբ մաքրվում է թաց անձեռոցիկի օգնությամբ։

Այդ մասին ահազանգել են բազմաթիվ քաղաքացիներ՝ ներկայացնելով իրենց «մաքրված» անձնագրերը ՀՀ նախագահի թեկնածու Րաֆֆի Հովհաննիսյանի շտաբ։

ԿԸՀ մամլո խոսնակ Հերմինե Հարությունյանը հայտնել է, որ թանաքը պետք է պահպանվեր 12 ժամ, եւ չպետք է մաքրվեր ոչ մի նյութով։

Իսկ ԿԸՀ նախագահ Տիգրան Մուկուչյանն էլ ավելի վաղ հայտարարել էր, որ թանաքանյութի հետ կապված դեռևս ոչ մի խնդիր չկա:  iLur-ի թղթակիցը ևս արձանագրել է, որ թանաքանյութը շատ հեշտ մաքրվում է:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել