168.am-ը գրում է.
Թուրքիայի հարավ-արևելքում զինված բախումներ են տեղի ունենում այն բանից հետո, երբ երկրի իշխանությունները հայտարարեցին գերազանցապես քրդաբնակ շրջաններում օրենքով ընտրված 28 քաղաքների քաղաքապետերին պաշտոնից հեռացնելու մասին, հայտնում է BBC-ի ռուսական ծառայությունը:
Վերջիններս պաշտոնից ազատվել են երկրում սահմանված արտակարգ դրության պայմաններում, որը սահմանվել է երկրում տեղի ունեցած ռազմական հեղաշրջման փորձի հետևանքով:
Օրենքով ընտրված քաղաքապետերի փոխարեն նշանակվում են Թուրքիայի կառավարության վստահված անձինք:
Տեղի անկախ ԶԼՄ-ները հայտնում են, որ Սուրուչ քաղաքում մոտ 200 ցուցարարների ցույցը ցրվել է արցունքաբեր գազի ու ջրցան մեքենաների օգնությամբ:
Հաքքարի նահանգում բախումների ժամանակ ձերբակալվել է 4 մարդ, ներառյալ` քաղաքապետի տեղակալը:
Իշխանությունները պաշտոնից հեռացված քաղաքապետերին կասկածում են «Քրդստանի աշխատավորական» կուսակցության և Ֆեթուլլահ Գյուլենի շարժման հետ կապեր ունենալու մեջ:
Քրդամետ «Ժողովրդական դեմոկրատիա» կուսակցությունը դատապարտել է Թուրքիայի կառավարության գործողությունները` դրանք անվանելով «պետական հեղաշրջում՞ վստահված անձանց միջոցով»: