Panorama.am-ը գրում է.
«Սա քաղաքական հետապնդման աննախադեպ աստիճան է, որի արդյունքում Երևանի ավագանու «Բարև Երևան» խմբակցությունը պարալիզացվել է, մեր խմբակցության հինգ անդամից երկուսը կալանավորած է»,- այս մասին այսօր լրագրողների հետ հանդիպման ժամանակ ասաց «Բարև Երևան» խմբակցության անդամ Անահիտ Բախշյանը:
Նրա խոսքերով՝ իրենց գործողությունները խոչընդոտում է ՀՔԾ-ն, թեև ավագանու անդամն անձեռմխելիություն չունի, սակայն, ըստ Անահիտ Բախշյանի, այդ մարդիկ երևանցիների կողմից ընտրված մարդիկ են, պատահական մարդիկ չեն, քաղաքական գործիչներ են` գրագետ, խելացի, հայրենասեր: «Բանտարկել եք, որ ի՞նչ: Ես համոզված եմ, որ սա քաղաքական հետապնդում է, մասնավորապես, «Ժառանգության» նկատմամբ»,-ասաց նա:
Անահիտ Բախշյանը նաև հիշեցրեց, որ Արմեն Մարտիրոսյանը այն մարդն է, ով իր մարմնով փրկեց ոստիկանին 2008 թվականի Մարտի 1-ի դեպքերի ժամանակ և հրաշքով հաշմանդամ չդարձավ:
«Զանգվածային անկարգության կազմակերպիչների որակում են տվել: Ես ամենայն պատասխանատվությամբ հայտարարում եմ, որ Ոստիկանությունն է զանգվածային անկարգությունների կազմակերպիչը»,- ասաց Անահիտ Բախշյանը:
Նա նաև նշեց, որ այսպիսի ռեպրեսիաներ Հայաստանում չի հիշում և հորդորեց վերջ տալ ռեպրեսիաներին:
Ամբողջական հոդվածը կարող եք կարդալ այստեղ
