Եգիպտոսը ստեղծում է տիեզերական գործակալություն

Եգիպտոսի կառավարությունը չորեքշաբթի հավանություն է տվել երկրում տիեզերական գործակալություն ստեղծելու մասին օրինագծին, հայտնում է korrespondent.net-ը:

Ապագա գործակալությունը պետք է մշակի Եգիպտոսում կարճաժամկետ և միջին հեռանկարում տիեզերական ճյուղի ստեղծման պետական ծրագիր: Համաձայն նախարարների կաբինետի պլանների` ապագայում երկրի տարածքում ոչ միայն կմշակվեն ու կարտադրվեն տիեզերական համակարգեր ու արբանյակներ, այլև դրանք տիեզերք կուղարկվեն:

Եգիպտոսում ավելի քան 20 տարի գործում է ազգային տիեզերական ծրագիրը` նպատակաուղղված համաշխարհային տիեզերական հետազոտություններից անկախության ձեռքբերմանը: