Թուրքիայի իշխանությունները ձերբակալել են ևս 10 զինվորականի, որոնք հարձակվել են Մարմարիս շրջանի հյուրանոցի վրա, որտեղ հեղաշրջման փորձի ժամանակ եղել է երկրի նախագահ Ռեջեփ Թայիփ Էրդողանը: Այս մասին հայտնում է Anadolu-ն:

Հաղորդվում է, որ ձերբակալությունները կատարվել են Մարմարիսի շրջանում տեղի բնակիչներից ստացված տեղեկություններից հետո, որոնք հայտնել են եգիպտացորենի դաշտում կասկածելի անձանց մասին:

Ավելի վաղ հաղորդվում էր, որ հյուրանոցի վրա հարձակում գործած կալանավորված հատուկջոկատայինների թիվը հասել է 7-ի:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել