168.am–ը գրում է.
Իտալուհի մոդել Քրիստինա Բուչինոն պատմել է Իբիցայում «Ռեալի» հարձակվող Կրիշտիանու Ռոնալդուի հետ իր ռոմանտիկ ժամադրության մասին: «Ոսկե գնդակի» եռակի մրցանակակրին նկատել են Իբիցայի ռեստորաններից մեկում՝ հայտնի իտալուհի մոդել Քրիստինա Բուչինոյի ընկերակցությամբ:
Իտալուհին Instagram-ի իր էջում Ռոնալդուի հետ լուսանկար է հրապարակել, որն անմիջապես ծնել է բազմաթիվ շշուկներ: Այն հարցին, թե ինչ է նրանց միջև կատարվել, Քրիստինա Բուչինոն հստակ պատասխան չի տվել:
«Ես եկա այդ ռեստորան, իսկ Կրիշտիանուն արդեն այնտեղ էր: Մենք հանդիպեցինք աչքերով, հետո նա ինձ հրավիրեց ընթրիքի, ինչպես իսկական ջենթլմեն: Նա հրաշալի տղա է: Այն ամենը, ինչ ես կարող եմ ասել Ռոնալդուի մասին այն է, որ նա առատաձեռն տղամարդ է, ով գիտի, ինչպես սիրահետել կնոջը»,- ասել է իտալուհին:
