168.am-ը գրում է.

Հուլիսի 29-ին, ժամը 10.48-ին ահազանգ է ստացվել, որ Վայոց Ձորի մարզի Արենի-Խաչիկ միջհամայնքային ճանապարհի 9-րդ կմ-ում տեղի է ունեցել քարաթափում, առկա է հետագա քարաթափման վտանգ:

Դեպքի վայր են մեկնել մարզային ճգնաժամային կառավարման կենտրոնի և մարզային փրկարարական վարչության օպերատիվ խմբերը:

Տեղում պարզվել է, որ քարաթափման հետևանքով ճանապարհին թափվել են փոքր քարեր, որոնք տեղի ուժերով հեռացվել են ճանապարհի երթևեկելի գոտուց: Առկա է հետագա քարաթափման վտանգ:

Հրշեջ-փրկարարները սահմանազատել են ճանապարհահատվածը և իրականացրել՝ իրենից վտանգ ներկայացնող թուլացած քարերի, ժայռից պոկման աշխատանքներ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել