Ես այս պահին հանդես եմ գալիս որպես բժիշկ, իմ և իմ բժիշկ ընկերների անունից։
Բժիշկները ցանկացած իրավիճակում՝ պատերազմ, խաղաղ պայմաններ, տարերային աղետ, ունեն մի առաքելություն՝ փրկել մարդկային կյանքեր։ Նրանք իրենց մասնագիտական պարտքն են կատարում։ Նրանց համար որևէ նշանակություն չունի՝ վիրաբուժական սեղանին կամ հիվանդի աթոռին ով է, ինչ ազգության, ինչ կրոնի, դավանանքի, քաղաքական կամ քաղաքացիական հայացքների, նրանք ունեն ընդամենը մեկ խնդիր՝ թեթևացնել մարդկային ցավը, փրկել կյանքեր։
Նույն բժիշկներն այս պահին օգնություն են ցույց տալիս Պավել Մանուկյանին, նրա որդուն, վիրավոր մյուս զինյալներին։
Խնդրում, հորդորում, պահանջում ենք բաց թողնել պատանդ վերցված բժիշկներին։ Պետք չէ ավելորդ լարել իրավիճակը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել