Ի՞նչ տարբերություն համակարգչի ու մարդու մեջ…Մտածե՞լ եք երբևիցե…Համակարգիչը չի կարող կեղծել, խաբել, ստել, դավաճանել…Մինչդեռ մարդը՝ նրա ուղեղն ընդունակ է ամեն ինչի, ամեն արարքի…Քեզ շողոքորթել, գովերգել, գովաբանել, բայց նույն պահին ուղեղում՝ հայհոյել, անիծել…Գովեստի խոսքերին զուգընթաց՝ նույն վայրկյանին…
Համակարգիչը չի կարող կաշառվել, խաղտել օրենքները, դասակարգել մարդկանց և ըստ դրա ծառայություններ մատուցել, հաշվի առնելով քսակի մեծությունն ու զբաղեցրած դիրքը…Չէ′, հարիֆ են համակարգիչները, <<միամիտ ու պարզունակ>>…
Մարդու ուղեղը հզոր է, կատարյալ ու ճկուն…Բայց ցավն այն է, որ գերակշռող զանգվածի ուղեղի <<ծրագիրը>> չի թարմացվել, մնացել է քարանձավային, նախնադարյան մակարդակի վրա…
Ջարդի, փշրի, խլի, սպանի, կեղծի, խաբի, թալանի…Մի խոսքով շանտղություն արա…Ինչքան շատ անես, այնքան կվախենան ու կհարգեն…
Դե համակարգիչն էլ մի բան չի, նա էլ կույր գործիք է, սխեմատիկ, ռոբոտ, առանց զգացմունքների ու առանց մարդկային լավագույն հատկանիշների՝ առանց նվիրումի, առանց սիրո ու զգացմունքների, առանց իր և ուրիշների սխալները գիտակցելու, ուղղելու կարողության:
Մի խոսքով մարդ եղեք՝ այդ բառի բուն, լիարժեք իմաստով: Ոչ համակարգիչ, ռոբոտ, ստրուկ, բայց մտածող, բանական, աստվածահաճո էակ…Ադամանդի, ոսկու ձուլակտորի նման և ոչ թե նման ինչ-որ տհաճ կույտի, աղբի ու զիբիլի…Ստոր, նենգ, կեղծ ու զզվելի…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
