168.am-ը գրում է.

22 ներգաղթյալ է մահացել Միջերկրական ծովը հատելու փորձի ժամանակ, հայտնում է «Բժիշկներ առանց սահմանների» միջազգային ոչ կառավարական կազմակերպությունը:

Կազմակերպության տվյալով՝ նավակը գտնվել է Լիբիայի ափերի մոտ: Դրանում գտնվել է ավելի քան 200 մարդ, որոնք տեղափոխվել են կազմակերպությանը պատկանող նավ:

Նավակում կազմակերպության ակտիվիստները հայտնաբերել են 21 կնոջ և 1 տղամարդու դի:

Երեկ տարբեր օպերացիաների արդյունքում Միջերկրական ծովում հայտնաբերվել և փրկվել է ավելի քան 2000 ներգաղթյալ:

Միգրացիայի միջազգային կազմակերպության տվյալով՝ միայն 2016թ. անօրինական եղանակով Միջերկրականը հատելու և Եվրոպա հասնելու փորձի ժամանակ խեղդվել են հազարավոր ներգաղթյալներ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել