Սիլիկյան թաղամասում իժ են հայտնաբերել

Yerkir.am-ը գրում է.

Հուլիսի 15-ին, ժամը 23.23-ին ահազանգ է ստացվել, որ Երևանի Սիլիկյան թաղամասի 2-րդ փողոցում գտնվող տնակներից մեկում օձ է նկատվել, որին բռնելու և անվտանգ տարածք տեղափոխելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ օձը նկատվել է թիվ 13 հողակտորի Ա. Մ.-ին պատկանող 3-րդ տնակում: Փրկարարները հայտնաբերել են իժ տեսակի օձ և տեղափոխել անվտանգ տարածք: