Նալբանդյան 48 շենքը՝ մեկ դար առաջ... Ներկայացնենք Երևանի պատկերով 20-րդ դարասկզբին տպագրված ևս մի փոստային բացիկ: Նալբանդյան փողոցի 48 հասցեում (Սախարովի հրապարակ) գտնվող այս շենքը կառուցվել է 1901 թվականին տաղանդաշատ ճարտարապետ Վասիլի Միրզոյանի նախագծով: Այստեղ է գործել Երևանի նահանգային գանձատունը, իսկ 1918-1920 թթ.՝ Հայաստանի Առաջին Հանրապետության Ֆինանսների նախարարությունը: Հետագայում այս շենքում տեղակայվել է Գյուղատնտեսության նախարարությունը, իսկ ներկայումս՝ Հայբիզնեսբանկի գլխավոր մասնաշենքն է:
Հետաքրքիր է նաև իմանալ Նալբանդյան փողոցի անվանումների փոփոխությունը. 1870-ին՝ Գուբերնատորսկայա, 1884-ին՝ Արշակ Տեր-Ղուկասյանի, 1920-ին՝ Ազատամարտիկների, և արդեն 1921-ից՝ անվանակոչված է ի պատիվ Միքայել Նալբանդյանի:
Նյութի աղբյուր՝ https://www.facebook.com/photo.php?fbid=1017369305044268&set=a.500519483395922.1073741831.100003136245699&type=3&theater
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել