Tert.am-ը գրում է.
N զորամասի խոհարարներ Մհեր Զարոյանը և Օվսաննա Ադամյանը մեղադրվում են զգալի չափով պարենամթերք յուրացնելու համար։ Այս մասին Tert.am-ը տեղեկացավ դատական տեղեկատվական համակարգից։
Մեղադրական տեքստում նշված էր, որ Մհեր Զարոյանին մեղադրանք է առաջադրվել այն բանի համար, որ ապրիլի 4–ին նա, աշխատանքի մեջ գտնվելով N զորամասում և զբաղեցնելով խոհարարի պաշտոնը հանցավոր համաձայնության է եկել պայմանագրային զինծառայող Օ.Ադամյանի հետ և յուրացրել զգալի չափի պարենամթերք, իսկ Օվսաննա Ադամյանին մեղադրանք էր առաջադրվել այն բանի համար, որ նույն օրը նա զբաղեցնելով նույն զորամասի ճաշարանի խոհարարի պաշտոնը հանցավոր համաձայնության գալով Մ. Զարոյանի հետ, յուրացրել է զգալի չափի պարենամթերք։ Հատկանշական է, որ խոհարարները հանցագործությունն արել են ապրիլյան պատերազմի օրերին։
Ադամյանին և Զարոյանին մեղադրանք է առաջադրվել Քրեական օրենսգրքի 179-րդ հոդվածի 2-րդ մասի 2-րդ կետով: Խափանման միջոց է ընտրվել ստորագրություն չհեռանալու մասին:
Գործը քննվելու է Գեղարքունիքի ընդհանուր իրավասության դատարանում։
