Barometer.am-ը գրում է.
Ծիծաղելու ժամանակ բերանը ձեռքերով փակելը ամոթխածության և անինքնավստահության նշան է: Դա բավականին պարզ բացատրություն ունի. մարդը կիրառում է պաշտպանական մեխանիզմ՝ փորձելով թաքցնել սեփական բարդույթներն ու թերությունները:
Եթե անձը բարձր է ծիծաղում և լայն բացում է բերանը, ապա, ամենայն հավանականությամբ, նա շարժուն և ակտիվ մարդ է: Նրա գլխավոր թերությունը մյուսներին չլսելն է, չնայած նա կարող է անսահման երկար խոսել, այդ պատճառով էլ նա պետք է ավելի չափավոր և զուսպ լինի, որպեսզի զրույցի ժամանակ խուսափի կոնֆլիկտներից:
Մարդիկ, ովքեր ծիծաղելիս գլուխը հետ են գցում մեծ, բարի սիրտ ունեն, չափազանց դյուրահավատ են և վստահող:
Եթե մարդը ծիծաղելիս կնճռոտում է քիթը, ապա նրան կարելի է պահպանողական համարել: Նրա մոտ զգացմունքային վիճակները արագ փոփոխվում են:
Մարդը, ով ծիծաղելիս կկոցում է կոպերը, ինքնավստահ է և բավականին հանգիստ: Այս մարդը ակտիվ գործողությունների է ձգտում, հաճախ բարձր ինտելեկտի տեր անձնավորություն է, որը նրան օգնում է հաղթել վեճերում:
