Վրաստանի նախկին վարչապետը շքեղ հյուրանոց կկառուցի Աբխազիայի հետ սահմանին. լրատվամիջոցներ

Tert.am-ը գրում է.

Վրաստանի նախկին վարչապետ, միլիարդատեր Բիձինա Իվանիշվիլին հայտարարել է, որ մտադիր է բարձրակարգ հյուրանոց կառուցել երկրի արևմտյան հատվածում՝ Աբխազիայի հետ սահմանին: Այդ մասին հայտնում է dom.lenta.ru-ն՝ վկայակոչելով Democracy & Freedom Watch պորտալին:

Հյուրանոցը նախատեսվում է կառուցել Սև ծովի ափին՝ Գանմուխուրի բնակավայրում: Հանգստավայրը ենթարկվում է Վրաստանին, բայց գտնվում է Ինգուրի գետի աջ կամ աբխազական հատվածում:

Իվանիշվիլին պատմել է լրագրողներին, որ մտադիր է ևս մի քանի շինարարական նախագիծ իրականացնել երկրում: Գործարարը խոստացել է մանրամասները հրապարակել այն բանից հետո, երբ բոլոր նախագծերը կհաստատվեն: