Tert.am-ը գրում է.

ՀՀ գյուղատնտեսության նախարար Սերգո Կարապետյանն այսօր լրագրողների հետ ճեպազրույցում պատասխանելով գյուղատնտեսության փոխնախարարների կրճատման հարցին, ասաց, թե խնդրում է չանհանգստանալ, ոլորտը դրանից չի տուժելու:

«Որովհետև մյուս փոխնախարարներն էլ են մասնագետ, այնպես չէ, որ նրանք պրոֆեսիոնալ չեն: Սերնդափոխություն պետք է լինի: Ամեն պետական պաշտոնյայի երբ նշանակում են, միաժամանակ հետո հնարավոր է, որ ազատեն աշխատանքից: Կյանքը շարունակվում է»,-ասաց Սերգո Կարապետյանը:

Հարցին, թե դրա համար է նախարարը նախապատվություն տվել երիտասարդ կադրերին, Սերգո Կարապետյանը պատասխանեց. «Այո՛, երիտասարդ կադրերին պետք է նախապատվություն տանք, երիտասարդները պետք է աճեն: Ընդհանրապես բոլոր ոլորտներում էլ սերնդափոխություն պետք է լինի»:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել