Գևորգ Մանուկյան. «Ծնողներս ևս դեմ են, որ մեկնեմ Բաքու»

Panorama.am-ը գրում է.

Ադրբեջանում կայացած 2015 թ. Եվրոպական խաղերի փոխչեմպիոն Գևորգ Մանուկյանը Ուկրաինայի հավաքականի կազմում չի մեկնի Բաքու, որտեղ հունիսի 16-25-ը կկայանա  բռնցքամարտի օլիմպիական վարկանշային մրցաշար: Բռնցքամարտիկը haqqin.az-ին տված հարցազրույցում նշել է, որ իր անվտանգությունն ապահովելու երաշխիքներ Ադրբեջանը չի տվել:

«Ի տարբերություն նախորդ տարվա Եվրոպական խաղերի, այս տարի Բաքուն ինձ անվտանգության երաշխիքներ չի տվել: Հիմա ինչ-որ բան փոխելու համար ուշ է, և ես չեմ մեկնի Բաքու: Ծնողներս նույնպես դեմ են».- նշել է Մանուկյանը:

Ուկրաինայի հավաքականի գլխավոր մարզիչ Դմիտրի Սոսնովսկին համակարծիք է Գևորգի ծնողների հետ և չի ցանկանում իր սանին տեսնել վերոնշյալ մրցաշարում:

Ամբողջական հոդվածը կարող եք կարդալ այստեղ