Ֆրանսիայում թողարկել են բջջային ծրագիր, որը կնախազգուշացնի ահաբեկչության մասին

Ֆուտբոլի Եվրո-2016 առաջնության նախաշեմին Ֆրանսիայի կառավարությունը բջջային հեռախոսների համար թողարկել է ծրագիր, որը կարող է հանրությանը նախազգուշացնել ահաբեկչական հարձակման վտանգի մասին, հայտնում է BBC-ն:

Կառավարությունում հայտնում են, որ ծրագիրը մշակվել է Փարիզի նոյեմբերյան ահաբեկչություններից հետո, որին զոհ է գնացել է 130 մարդ:

Օգտվողները կարող են գրանցվել տարբեր աշխարհագրական գոտիներում նախազգուշացումներ ստանալու համար: Ծանուցումում հակիրճ կներկայացվի տեղի ունեցողը, ինչպես նաև խորհուրդներ, թե ինչպես մնալ անվտանգ:

Ծրագիրը հասանելի է բեռնման համար այն սմարթֆոնների համար, որոնք աշխատում են IOS և Android օպերացիոն համակարգերով: