Panorama.am-ը գրում է.
Աշխարհի ամենամեծ թանգարաններից մեկը՝ Լուվրը, այսօր այցելուների համար փակ է Փարիզում հեղեղումների պատճառով՝ Սենա գետը դուրս է եկել ափերից հորդառատ անձրևների և ջրերի բարձրացման արդյունքում: Նման որոշում է ընդունել նաև փարիզյան ևս մեկ հայտնի՝ Օրսե թանգարանի ղեկավարությունը, որը գտնվում է Սենա գետի ձախ ափին: Այս մասին գրում է Նյուզու.քոմ կայքը:
Հինգշաբթի երեկոյան կամավորներն ու թանգարանի աշխատակիցները տարհանել են 150 հազար արվեստի գործ՝ քանդակներ, նկարները, արժեքավոր առարկաներ, որոնք գտնվում են շենքի ներքին հարկերում և ստորգետնյա սենյակներում: Երկու թանգարաներում արվեստի գործերի տեղափոխման աշխատանքներին մասնակցում է 600 մարդ:
Լուվրի Թվիթերյան էջում գրված է, որ արվեստի գործերին որևէ վտանգ չի սպառնում:
Փարիզում գտնվող մշակույթի մի քանի այլ հաստատություններ նույնպես կարող են տուժել ջրհեղեղից: Դրանցում արվեստի գործերի տարհանումը կսկսվի այն դեպքում, եթե ջրի մակարդակը գերազանցի 7,3 մետրը:
Ամբողջական հոդվածը կարող եք կարդալ այստեղ
