Մարտի 17-ին, ժամը 21:30-ին Հանրային Հեռուստաընկերության եթերից հեռարձակվեց "Ճակատագիր" ֆիլմը, որը նկարահանվել է 2005 թվականին. ֆիլմի պրեմիերան տեղի է ունեցել "Մոսկվա" կինոթատրոնում` 2006 թվականին: Ֆիլմում նկարագրվում է Ղարաբաղյան պատերազմը: Ֆիլմի աշխատանքները կատարվել են ԱՄՆ-ում` Point 360կինոստուդիայում: 2007 թվականին` ԱՄՆ-ում, ֆիլմը մասնակցել է "METHOD FILM" ֆեստիվալին և առաջադրված է եղել 4 անվանակարգերում.`
- Լավագույն հանդիսատես
- Լավագույն արտասահմանյան ֆիլմ
- Լավագույն ռեժիսոր
- Լավագույն խմբակային դերասանական կազմ
"METHOD FILM" ֆեստիվալում "Ճակատագիր" ֆիլմը` "Լավագույն հանդիսատես" անվանակարգում արժանացել է 1-ին մրցանակի, առաջ անցնելով համաշխարհային ճանաչում ունեցող ֆիլմերից:
Մարտի 16-ին կայացած մամլո ասուլիսի ժամանակ` ֆիլմի ստեղծագործական կազմը նշեց, որ ֆիլմը հուզում է գրեթե բոլոր դիտողներին: Մարդիկ մտովի տեղափոխվում են մոտ 20 տարի հետ, երբ Հայաստանն ու Ադրբեջանը պատերազմում էին Լեռնային Ղարաբաղի համար:
Ֆիլմի ստեղծման համար ծախսվել է` 3.800.000 $, գլխավոր դերում ներկայացել է` Գոռ Վարդանյանը, Սցենարի հեղինակն է` Մարինե Սարգսյանը, Ռեժիսորը` Վահե Խաչատրյանը:
2012 թվականի հունվար ամսին հայտ է ուղարկվում, որպեսզի ֆիլմը մասնակցի` "Հայակ" (Հայկական կինոյի) մրցանակաբաշխությանը, սակայն հայտը մերժվում է: Կինոկենտրոնի տնօրեն` Գևորգ Գևորգյանը փաստը մեկնաբանում է, որ մրցանակաբաշխության մասնակից ժյուրիի անդամները չեն հավանել "Ճակատագիր" ֆիլմը: Հակառակ այս ամենի այդ նույն ժյուրիի անդամներից շատերը 2006 թվականին ֆիլմի պրեմիերայի ժամանակ իրենց հիացմունքն էին արտահայտում ֆիլմի վերաբերյալ:
Այս պահին նշեմ այն մարդկանց անունները, ովքեր առաջադրված են եղել "Հայակ" մրցանակաբաշխությանը` ժյուրիի կազմում:
- Ռուդիկ Հովհաննիսյան
- Զավեն Բոյաջյան
- Հովիկ Հախվերդյան
- Լևոն Աթոյան
- Սոս Սարգսյան
- Կարինե Խուդիկյան
- Գայանե Մարտիրոսյան
- Վարդան Աբովյան
- Ռազմիկ Դավոյան
Անձամբ ես, դիտելով տվյալ մրցանակաբաշխությունը այդպես էլ "Ճակատագիր" ֆիլմին մրցակից չգտա: Պարզապես կարող եմ ասել, որ այդ ֆիլմը մրցակից չունի և չի էլ կարող ունենալ, այդ մասին վկայում է հանդիսատեսի անձագանքը, պրեֆեսսիոնալ աշխատակազմն ու նկարահանումները:
Ավելացնեմ նաև, որ 2006 թվականին հրաժարվել էին կատարել այս ֆիլմի բացումը` "Ոսկե Ծիրան" մրցանակաբաշխությանը:
