Tert.am–ը գրում է.
Գիտնականները «շատ դրական քայլ են» կատարել քաղցկեղի դեմ ունիվերսալ պատվաստանյութ ստեղծելու ուղղությամբ, որը կստիպի օրգանիզմի իմունային համակարգին ոչնչացնել ուռուցքները, ասես դրանք վիրուս լինեն: Փորձագետների վերլուծությունը ներկայացնում է The Independent-ը:
Հետազոտողների միջազգային թիմը նկարագրել է, թե ինչպես են իրենք նմուշ վերցրել քաղցկեղի գենետիկ ՌՆԹ կոդից, դրանք տեղադրել յուղի նանոմասնիկների մեջ, ապա ստացված խառնուրդը ներարկել հիվանդության զարգացած փուլում գտնվող երեք հիվանդների:
Հիվանդների իմունային համակարգն արձագանքել է T- բջիջների արտադրմամբ, որոնք նախատեսված են քաղցկեղային բջիջների վրա հարձակվելու համար:
Գերմանիայի Յոհանես Գութենբերգի համալսարանի գիտնականները պատվաստանյութը փորձարկվել է նաև մկների մոտ «ագրեսիվ զարգացող» քաղցկեղի դեմ արդյունավետ պայքարում:
Գիտնականների ղեկավարի խոսքով` նման պատվաստանյութն արագ և մատչելի է պատրաստման համար, որը կարող է հայտնաբերել ցանկացած քաղցկեղածին հակամարմին:
