Tert.am–ը գրում է.

Եգիպտոսի Սուեզ քաղաքի հիվանդանոցներից մեկում ծիսակարգային թլպատության հետևանքով 17-ամյա աղջիկ է մահացել:

CNN-ի հաղորդմամբ` Մուսա անունով երիտասարդ աղջկա մահվան պատճառ են դարձել վիրահատական միջամտությունից հետո առաջ եկած բարդությունները:
Հեռուստաալիքի տվյալներով` կանացի սեռական օրգանների վիրահատության է ենթարկվել նաև Մուսայի երկվորյակ քույրը, բայց նրա մոտ վիրահատական միջամտությունը հետևանքներ չի թողել: Հաղորդվում է, որ աղջիկների մայրը բուժքույր է աշխատում այն հիվանդանոցում, որտեղ իրենք վիրահատվել են: 
Եգիպտոսում շարունակվում են ծիսակարգային թլպատություններ իրականացնել` չնայած 2008-ին սահմանված արգելքին:
Աղբյուրի տվյալներով` 15-49 տարեկան ամուսացած եգիպտուհիների 92 տոկոսը նման վիրահատության է ենթարկվել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել