Թուրքիայի Գլխավոր շտաբը հայտնել է ԴԱԻՇ-ի դիրք ոչնչացնելու մասին

Թուրքական Son dakika լրատվական կայքի փոխանցմամբ՝ Թուրքիայի հարավ-արևելքում գտնվող Գազիանթեփ նահանգը հարձակման է ենթարկվել Սիրիայի այն տարածքից, որը գտնվում է ԴԱԻՇ ահաբեկչական խմբավորման տակ։

Ընդգծվում է, որ երկու հրթիռ ընկել է Գազիանթեփի օդանավակայանի տարածքի մոտ։ Զոհերի կամ վիրավորների մասին տեղեկություններ չկան։

Նահանգում տեղակայված թուրքական ստորաբաժանումները պատասխան կրակ են բացել՝ ոչնչացնելով ԴԱԻՇ-ի 4 դիրք։