Panorama.am-ը գրում է.
Ադրբեջանական զինուժի կողմից ապրիլի 2-ին Մարտունու պաշտպանական ուղղությամբ «Գրադ» կայանքից իրականացված հրթիռահրետակոծության հետևանքով վիրավորված երեխաները՝ 12-ամյա Վարդան Անդրեասյանը և 11-ամյա Գևորգ Գրիգորյանն ապաքինվում են:
«Ասում են, որ լավ է վիճակս: Լավ է լինելու: Լավանամ, մեծանամ, զինվոր դառնամ, որ Վաղարշակի, Գևորգի, իմ ընկերների վրեժը լուծեմ: Մեզ չեն կարող վախեցնել»,-Panorama.am-ին իր վիճակի ու նպատակների մասին պատմում է Վարդանը:
Նա նույնիսկ անկողնում զինվորական շապիկ է հագնում՝ զինծառայող հոր կարոտն այդպես է առնում:
Վիրավոր երեխաները հիշում են դեպքի մանրամասները: Վարդան Անդրեասյանի մայրն ասաց, որ երեխան կարողացել է հաղթահարել վախը: Ուզում է դպրոց վերադառնալ:
Երեխաների մայրերը պատմում են, նախորդ օրերին թշնամու անօդաչու սարքերը պտտվել են տարածքում, նկարել` երեխաներն առավոտյան դասերից առաջ բակում ֆիզիկական վարժություններ են կատարում:
Ամբողջական հոդվածը կարող եք կարդալ այստեղ
