168.am-ը գրում է.

Տոկիոյի միջազգային «Խանեդա» օդանավակայանի թռիչքուղում այրվել է Korean Air ավիաընկերությանը պատկանող Boeing 777 ինքնաթիռը, որում գտնվել է 302 ուղևոր և անձնակազմի 17 անդամները, հայտնում է BBC-ն:

Այրվել է թռիչքի պատրաստվող ինքնաթիռի շարժիչը: Ուղևորներին արագ տարհանել են ինքնաթիռից, դեպքի վայր ժամանած հրշեջները արագ հանգցրել են կրակը:
Հաղորդվում է, որ փակ են օդանավակայանի բոլոր՝ 4 թռիչքուղիները:

«Մենք դեռ չենք հայտնբերել ահաբեկչական ակտի նշաններ»,- գործակալությունը մեջբերում է ոստիկանական վարչության ներկայացուցչի խոսքերը:

Տուժածների մասին տեղեկություններ չկան: Ինքնաթիռի շարժիչի այրման պատճառները դեռ հայտնի չեն:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել