Տաջիկստանը քվեարկել է Ռահմոնի ցմահ կառավարման օգտին

Araratnews.am-ը գրում է.

Տաջիկստանում տեղի ունեցած հանրաքվեի արդյունքներով փոփոխություններ են կատարվել երկրի սահմանադրության մեջ, ըստ որի` այդ երկրի նախագահ Էմոմալի Ռահմոնը կարող է ցմահ մնալ Տաջիկստանի նախագահ, հայտնում է ТАСС-ը:

Երկրի կենտրոնական ընտրական հանձնաժողովի տվյալներով` հանրաքվեին մասնակցել է 4 մլն 402 հազար մարդ, որոնցից 3 մլն 814 հազարը կամ 94,5%-ը կողմ է քվեարկել համապատասխան փոփոխություններին:

Ընտրողները համաձայնել են, որ «Ազգի առաջնորդի, խաղաղության և ազգային միասնության հիմնադրի» (նախորդ տարի խորհրդարանը այդպիսի տիտղոս է շնորհել Էմոմալի Ռահմոնին) վրա չի տարածվում սահմանադրության 65-րդ հոդվածը, ըստ որի միևնույն անձը չի կարող երկու անգամ անընդմեջ դառնալ նախագահ:

Նշենք, որ Էմոմալի Ռահմոնը Տաջիկստանը ղեկավարում է 1994թ.-ից: