Հրաձգություն Ավստրիայում՝ համերգի ժամանակ. կան սպանվածներ 168.am-ը գրում է.

Ավստրիայի արևմուտքում տղամարդը կրակ է բացել ատրճանակից համերգի ժամանակ, հայտնում է BBC-ի ռուսական ծառայությունը՝ հղում կատարելով ոստիկանությանը:

2 մարդ սպանվել է, մի քանիսն ստացել են վնասվածքներ: Տղամարդն այնուհետ ինքնասպան է եղել:

Համերգն անցկացվել է Նենցինգ քաղաքում՝ Լիխտենշտեյնի հետ սահմանից ոչ հեռու:
Ոստիկանության հայտարարության համաձայն՝ ատրճանակից կրակ բացած տղամարդը վիճել է կնոջ հետ ավտոկայանատեղիում, ինչից հետո մեքենայից հանել է ատրճանակն ու սկսել կրակել ամբոխի վրա:

Հաղորդվում է, որ դեպքը տեղի է ունեցել տեղի մոտոցիկլետային ակումբի կազմակերպած համերգի ժամանակ:

Տեղի ԶԼՄ-ները հայտնում են, որ տուժածների վիճակը ծանր է:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել