Իրաքում ցուցարարները գրոհել են վարչապետի նստավայրը

Araratnews.am-ը գրում է.

Իրաքի մայրաքաղաքում կոռուպցիայի դեմ բողոքի ակցիայի մասնակիցները ներխուժել են երկրի վարչապետ Հեյդար ալ Աբադիի նստավայր, հայտնում է ТАСС-ը` հղում անելով Agence France Presse-ին:

Նշվում է, որ չնայած իրավապահները կրակ են բացել` ցուցարարներին հաջողվել է ներխուժել «կանաչ գոտի»` Բաղդադի հատուկ պահպանվող շրջան, ուր տեղակայված են կառավարական շենքերն ու մի շարք դիվանագիտական ներկայացուցչություններ:

Հայտնի է դարձել, որ Բաղդադում բողոքի ցույցը ցրելու ժամանակ զոհվել է երեք մարդ: