Tert.am-ը գրում է.
EgyptAir ավիաընկերության A320 ինքնաթիռը կործանվել է հունական Կարպատոս կղզու մոտակայքում: Այդ մասին AFP-ին հայտնել է Հունաստանի օդանավակայաններից մեկում աղբյուրը:
 
Գործակալության զրուցակցի խոսքով՝ ինքնաթիռը կործանման պահին եղել է Եգիպտոսի դիսպետչերների պատասխանատվության գոտում:
 
A320 ինքնաթիռը ռադարների էկրաններից անհետացել է նախատեսված վայրէջքից մոտ 45 րոպե առաջ: Ինքնաթիռն այդ պահին եղել է Եգիպտոսի ափից 280 կիլոմետր հեռավորության վրա:
 
Ինքնաթիռը մտել է Եգիպտոսի օդային տարածք ռադարներից անհետանալուց րոպեներ առաջ:
Եգիպտոսի ավիացիոն ծառայությունները սկզբում հայտնել են, որ ինքնաթիռից ստացվել է ինչ-որ ազդանշան, որը ենթադրաբար եղել է աղետի ազդանշան: Հունական դիսպետչերական ծառայությունները եգիպտական ինքնաթիռից աղետի ազդանշան չեն ստացել:

Հիշեցնենք, որ Փարիզից Կահիրե թռչող EgyptAir ավիաընկերության ուղևորատար ինքնաթիռն անհետացել է ռադարներից: A320-ում եղել է 56 ուղևոր և անձնակազմի տասը անդամ: Ինքնաթիռը դուրս է եկել Շառլ Դը Գոլի անվան օդանավակայանից: Եգիպտոսի ավիացիոն գերատեսչությունների պաշտոնյաները հայտնել են, որ Փարիզից Կահիրե թռչող EgyptAir ավիաընկերության ինքնաթիռը կործանվել է: 
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել