Մեծ Բրիտանիայի թագուհի Եղիսաբեթ װ-ն իր ելույթում Ուկրաինայի հակամարտության լուծումը, Սիրիայում խաղաղության հաստատմանն ուղղված միջազգային ջանքերին աջակցելն ու պայքարը ԴԱԻՇ ահաբեկչական խմբավորման դեմ տարվա ընթացքում Մեծ Բրիտանիայի հիմնական արտաքին քաղաքական առաջնահերթությունների թվում է համարել։ Այս մասին հայտնում է RIA Novosti-ն:
«Իմ կառավարությունը կշարունակի աշխատել Ուկրաինայի հակամարտության լուծման ուղղությամբ»,- ասել է թագուհին։
«Այն առաջատար դեր կխաղա ԴԱԻՇ-ի դեմ արշավում և Սիրիայում խաղաղության հաստատման միջազգային ջանքերի աջակցման հարցում»,- հավելել է նա։
Թագուհին իր ամենամյա ելույթով հանդես է գալիս բրիտանական խորհրդարանի նոր նստաշրջանի պաշտոնական բացման արարողությանը։ Ուղերձի տեքստը գրում է կառավարությունը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
