Հանրապետությունում ձվի, ձկնամթերքի, կաթնամթերքի գները նվազել են

Panorama.am-ը գրում է.

ՀՀ ազգային վիճակագրական ծառայության հրապարակած տվյալների համաձայն՝ հանրապետությունում ձվի հանրապետական միջին գինը 2016թ. ապրիլին 2015թ. ապրիլի համեմատ նվազել է 12.3%-ով, իսկ 2016թ. մարտի համեմատ՝ 2.6%-ով:

ԱՎԾ-ի փոխանցմամբ՝ կենդանական և բուսական յուղերի ապրանքախմբում 2016թ. ապրիլին 2015թ. ապրիլի համեմատ արձանագրվել է 1.7%, իսկ 2016թ. մարտի համեմատ` 0.6% գնանկում: Վերջինս հիմնականում պայմանավորվել է այլ յուղերի (հալած յուղ)՝ 1.2%, կարագի՝ 1.1%, մարգարինի 0.8% գնանկումով:

2016թ. ապրիլին 2015թ. ապրիլի համեմատ կաթնամթերքի ապրանքախմբում ևս գրանցվել է 5.6%, իսկ 2016թ. մարտի համեմատ՝ 1.0% գնանկում:

Ինչ վերաբում է ձկնամթերքին, ապա այստեղ 2016թ. ապրիլին 2015թ. ապրիլի համեմատ գրանցվել է 4.4%, իսկ 2016թ. մարտի համեմատ՝ 0.5% գնանկում: Վերջինս հիմնականում պայմանավորվել է «Ստերլետ» ձկնատեսակի՝ 1.4%, ծովախեցգետնի տոտիկների՝0.7%, ապխտած և աղ դրած «Ստավրիդա, Սկումբրիա» ձկնատեսակների 0.6% գնանկումով:

Ամբողջական հոդվածը կարող եք կարդալ այստեղ