Էնդի Մարեյի հյուրանոցը կրկին ճանաչվել է լավագույնը Շոտլանդիայում

Cromlix հյուրանոցը Փերթշիրում, որը բացվել է բրիտանացի թենիսիստ Էնդի Մարեյի կողմից, երկրորդ տարին անընդմեջ ճանաչվում է  Շոտլանդիայի ամենաշքեղ հյուրանոցը։

Պատմական շինությունը, որը գտնվում է  Դանբլեյն քաղաքի մոտակայքում, հաղթում է Scottish Hotel Awards մրցույթում երկրորդ տարին անընդմեջ։ Բացի այդ, հյուրանոցը նաև ստացել է «Տարվա լավագույն հյուրանոց» մրցանակը։

Cromlix կալվածքը, որը գտնվում է  անտառների և այգիների մեջ, կառուցվել է 15-րդ դարում։ Մարեյը գնել է այն 2013 թվականին 2.3 միլիոն եվրոյով։ Նա ներդրել է ևս 7.8 միլիոն եվրո՝ շենքը վերանորոգելու և այն լյուքս դասի հյուրանոց դարձնելու համար։

Հյուրանոցը ունի ընդամենը 10 ննջարան և 5 լյուքս համարներ, որոնցից յուրաքանչյուրը անվանված է որևէ հայտնի շոտլանդացու անունով։ Երկու հոգու համար նախատեսված համարի արժեքը սկսվում է 283 եվրոյից։  Ամենաթանկ համարի գինը 767 եվրո է։