Գաղտնիք չենք բացահայտի, եթե ասենք, որ տարեսկզբին արտաքին միջավայրը Հայաստանի տնտեսության համար, մեղմ ասած, այնքան էլ բարենպաստ չէր։ Հումքային ապրանքների շուկայում ձևավորված ցածր գներից բացի, մեծ ազդեցություն ունեցավ նաև Ռուսական ռուբլու արժեզրկումը, որն էական ազդեցություն է թողնում այս շուկայում հայկական ապրանքների մրցունակության վրա: Այսպիսով՝ տարեսկզբին ոչ միայն խորացավ, այլև հերթական ռեկորդը սահմանեց ռուբլու գինը դոլարի նկատմամբ՝ կազմելով 83 ռուբլի 1 դոլարի դիմաց:
Բարեբախտաբար եռամսյակի վերջում ռուբլին սկսեց արժևորվել և դոլարի գինը հասավ 68 նիշի, ինչը սակայն նույնպես բարձր է նախորդ տարվա ցուցանիշից։
Այսպիսի պայմաններում շատ կարևոր դեր ունեցան տնտեսությանն աջակցելու նպատակով կառավարության ձեռնարկած քայլերը, որոնք իրենց նպաստավոր ազդեցություն են թողնում Հայաստանի գործարար միջավարի աշխուժացման վրա։ Սրա մասին փաստում է տարեսկզբին արձանագրված բավական բարձր տնտեսական ակտիվությունը, որը գրանցվեց վերոգրյալ արտաքին լուրջ դժվարությունների պայմաններում։
Հիմնական սպառման շուկայում առկա լուրջ խնդիրներ ունենալով՝ առաջին եռամսյակում տնտեսական ակտիվությունը Հայաստանում կազմեց 5,5 տոկոս։ Արտահանումն ավելացավ 26 տոկոսով, ինչը 28 մլն դոլարով ավել նաև 2014թ. համեմատ, երբ արտաքին ու ներքին միջավայր շատ ավելի բարվոք վիճակում էր։
