«Ավրորան» անկախության մեր քսանհինգամյա անցած ճանապարհի հանրագումարն է։ Այն ակնառու կերպով ցույց տվեց, որ մենք հոգով սնանկ չենք։ Հարուստ ներաշխարհ ունենք և այնքան լայնասիրտ ենք, որ մեր վշտի տարելիցը նշում ենք օտարի վիշտը մերը համարելով ու ցավելով աշխարհում շարունակվող հակամարդկային արարքների զոհերի համար։Մրցանակաբաշխության հիմքում դրված գաղափարը հրաշալի է։ Ցեղասպանության ենթարկված ժողովուրդը ապաքինել է իր վերքերը, զարգացել ու հզորացել է այնքան, որ կարողանում է պաշտպան կանգնել այսօր բռնության ենթարկվող ժողովուրդներին իրենց գոյատևման պայաքարում։
Իմ խորին շնորհակալությունն եմ հայտնում «Ավրորա» մրցանակաբաշխության կազմակերպիչներին և առանձնապես Ռուբեն Վարդանյանին։
Ցանկացած մեկը, ով կփորձի ստվեր ձգել այս կարևոր նախաձեռնության վրա` փնովելով այն, վատ ծառայություն կմատուցի մեր ժողովրդին և անկասկած կստանա իր արածին համարժեք հարվածը մեր բոլորի կողմից։
Նյութի աղբյուր՝ https://www.facebook.com/hamlet.abrahamyan/posts/10207763581225732?ref=notif¬if_t=close_friend_activity¬if_id=1461545403644972
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
