Tert.am-ը գրում է.
Մոսկվայից-Երևան այսօր 20.45 ժամանող ինքնաթիռի հնարավոր պայթյունի վերաբերյալ պատկան մարմինները զանգ կամ հաղորդագրություն են ստացել, լուրը ճշտվում է` կե՞ղծ է ահազանգը, թե ոչ: Բայց, եթե առաջին հայացքից վտանգը շատ մեծ լիներ, «Զվարթնոց» օդանավակայանը կփակվեր:
Այս մասին Tert.am–ին հայտնեցին օդանավակայանի մեր աղբյուրները` մանրամասնելով, որ ահազանգը եղել է այն մասին, որ Երևանի ժամանակով 20.40 Երևանում իջնող օդանավը պետք է պայթի հետադարձի ճանապարհին:
Հիշեցնենք, որ ավելի վաղ ՀՀ քաղավիացիոն գլխավոր վարչության մամուլի քարտուղար Ռուբեն Գրձելյանը Tert.am–ին տեղեկացրել էր, որ «Զվարթնոց» օդանավակայանում բնականոն իրավիճակ է և բոլոր չվերթները սպասարկվում են:
«Չվերթները նորմալ գալիս, գնում են և ոստիկանության ու այլ մարմինների հետ միշտ էլ սերտ համագործակցություն եղել է: Ոչ մի արտակարգ իրավիճակ չկա»,- ասել էր Ռուբեն Գրձելյանը:
