Ահա և գարուն է, իսկ առջևում կանանց մեկամսյակն է: Շատ լավ առիթ, որպեսզի ինքներս մեզ երես տանք մի նոր արդիական իրով, կամ էլ ակնարկենք այդ մասին մեր սիրելիներին :)Հատուկ այդ նպատակով այսօր ուզում եմ առանձնացնել այս գարնան ամենանորաձև աքսեսուարներից մի քանիսը: Ամենաառաջինը, որը կառանձնացնեմ, չոկեր կոչվող վզնոցներ են, որոնք տարան ինձ ուղիղ դեպի մանկություն. 90-ականների թիթիզ սերունդը հաստատ կհիշի սրանք ;)

choker

Բացի դաջվածք հիշեցնող այս չոկերներից, 2016 թվականի համար դիզայներներն առաջարկում են չոկերի ավելի երեկոյան տարբերակներ:

02

Այս տարվա գարուն-ամառ սեզոնին արդիական են նաև էթնիկ տարրեր պարունակող երկար վզնոցները՝ պատրաստված ուլունքներից, քարերից, թելերից և փետուրներից:

01

Գարնանային ևս մեկ աքսեսուար՝ այս անգամ վարսերի համար: Ոճաբաններն առաջարկում են թագեր՝ ամենասովորական աղջիկների համար:

07

Սակայն առօրյայում առավել պրակտիկ է կրել, այսպես ասած, մինի թագեր՝ ոչ շատ ընդգծված և խոշոր տարրերով:

06

2016-ի գարնան համար անչափ արդիական են նաև գլխազարդերը, որոնք կարող եք ամրացնել սանրվածքի ցանկացած հատվածում:

05

03

Այս շրջանի համար կցանկանայի առանձնացնել նաև մի քանի անչափ նորաձև նախշեր: «Ծաղիկամանիան», կարծես, վերջապես նահանջում է՝ իր տեղը զիջելով ավելի մանր ծաղկային նախշերին:

14

Գարուն-ամառ 2016 սեզոնի ամենաթրենդային նախշը, իհարկե, շարունակում է մնալ զոլավորը: Այս տարվա համար, սակայն, ավելի լավ է ընտրեք աբստրակտ զոլեր:

15

Դե, իսկ 2016 թվականի նորարություններից է ընդամենը երեք գույնի՝ սպիտակի, կարմիրի և կապույտի համադրությամբ հագուստը:

12

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել