Ռոմանն ու Արթուրը գտնվում են մարզական կարիերայի պիկին: Մեր մեկ այլ տիտղոսակիր ըմբիշ՝ Արսեն Ջուլֆալակյանը, պարտությունը բացատրել է նրանով, որ մրցավարները կողմնապահություն են արել հօգուտ ռուս մարզիկների:
«Մեզ համար շատ կարևոր Եվրոպայի առաջնության եզրափակիչի մասին՝ մասնագիտական։ Հիանալի, 100% մշակված, հղկված տակտիկա է ընտրված դատավորների համար՝ ռուսների հետ գոտեմարտելու դեպքում», ասում է նա ու ներկայացնում իր մեկնաբանությունը։
Ըմբշամարտի միջազգային ֆեդերացիայի վրա ավանդաբար մեծ է Ռուսաստանի ազդեցությունը: Ընդհանրապես, այս երկիրը սպորտը վեր է ածել գրեթե ազգային լինելիության խնդրի, որը բնորոշ է բարդույթավորված, քաղաքականության, տնտեսության ու մարդկային զարգացման ոլորտներում տապալված հանրություններին:
Մյուս կողմից, Ռուսաստանի սպորտի բնագավառը ներկայում ցնցվում է դոպինգային սկանդալներից, տասնյակ տիտղոսակիր, տարբեր խոշոր մրցաշարերի չեմպիոններ բացահայտվել են արգելված միջոցներ օգտագործելու մեջ: Ռուսաստանի թեթեւ ատլետիկայի ողջ հավաքականն ընդհանրապես որակազրկվել է: Այս գործընթացը շարունակվում է, եւ չեն բացառվում նոր աղմկոտ սկանդալները:
Իհարկե, այստեղ կա քաղաքականության տարր, մյուս կողմից, սպորտի բնագավառը Ռուսաստանը նույնպես քաղաքականացրել է անհնարինության աստիճան: Սոչիի օլիմպիադայի, ֆուտոլի աշխարհի առաջնության շուրջ պարբերաբար խոշոր կոռուպցիոն սկանդալներ են բռնկվում:
Այս իրավիճակում, ռուսների համար գրեթե լինելիության խնդիր է դառնում ցանկացած մեդալ ցանկացած մարզաձեւում:
Արդյոք մեր մարզիկները պարտվել են ազնիվ պայքարում, թե՞ մրցավարներն են կողմնապահություն արել, նաեւ հաշվի առնելով «ռազմավարական դաշնակցի» նեղ վիճակը:
