Գիտեմ, որ թանկ հաճույք է մետրոպոլիտենի նոր կայան բացելը, հատկապես՝ թունելային: Բայց կան ալտերնատիվ լուծումներ: Ըստ իմ սիրողական ուսումնասիրության և դիտարկման՝ լիովին հնարավոր է մետրոպոլիտենի նոր կայան բացել Մալաթիա-Սեբաստիա վարչական շրջանում, ավելի կոնկրետ՝ Հ.Ա.Թ.-ում: Ուղղակի պետք է Չարբախի կայարանից բացօդյա երկաթգիծ հասցնել ՀԱԹ-ի հարավից և աջ թեքվող մի փոքր թունելով (200-300 մետր) գիծը հասցնել Անդրանիկի արձանի մոտ ենթադրվելիք կայարան: Ու 2 հատ էլ փոքր, մետաղյա կոնստրուկցիայով կամուրջ՝ Հրազդան գետի վրայով ու Երևան-Վաղարշապատ մայրուղին անցնելու համար: Մնացածը բացօդյա գրունտային աշխատանք է:
Մալաթիա - Սեբաստիա վարչական շրջանում բնակվում է ավելի քան 140 000 բնակիչ (միայն ընտրողների թիվն անցնում է 102 հազարը), չհաշված, որ լինելով տոնավաճառային և գյուղատնտեսական մթերքների առևտրային գոտի՝ օրական տասնյակ հազարավոր այլ մարդիկ էլ են այցելում այս վարչական շրջան: Մետրոպոլիտենի այստեղ հնարավոր բացվելիք կայանը լրջագույնս կթեթևացնի քաղաքային հագեցած երթևեկությունը և բավականին շահութաբեր կդարձնի քաղաքապետարանի ենթակայությամբ գտնվող մետրոպոլիտենը: Ամեն օր կշահեն հարյուր հազարավոր ՀՀ քաղաքացիներ ու երկրի հյուրեր, մի քիչ օգուտից կզրկվեն ընդամենը մի քանի գծատերեր ու իրենց հովանավորներ ...
Մտածենք այս ուղղությամբ ...
Կից նյութն՝ այստեղ
Նյութի աղբյուր՝ https://www.facebook.com/arthur.yeghiazaryan/posts/10209149246076315?notif_t&__mref=message_bubble
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
