Facebook ընկերությունը մտադիր է հայտարարել սոցցանցում մասնավոր օգտատերերի միջև հրազենի առքուվաճառքի գործարքի պայմանների համաձայնեցման արգելքի ներմուծման մասին։ Այս մասին Reuters գործակալությանը հայտնել է ընկերության պաշտոնական ներկայացուցիչը։
Լիցենզավորված վաճառողները կպահպանեն սոցցանցում զենք գովազդելու իրավունքը, սակայն գործարքները պետք է կնքվեն առանց Facebook-ն օգտագործելու։
New York Times-ի փոխանցմամբ՝ արգելքը կվերաբերի նաև Instagram-ին, որը նույնպես պատկանում է Facebook-ին։
Ինչպես նշում է թերթը, ընկերությունն ավելի վաղ Facebook-ի և Instagram-ի օգտատերերին արգելել էր սոցցանցերում վաճառքի դնել դեղորայք և թմրամիջոցներ։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
