Չինաստանի իշխանությունները 2015 թվականին փակել են մոտ 17 հազար ձեռնարկություն, որոնք, ինչպես պարզվել է ստուգումների ընթացքում, պարբերաբար գերազանցել են մթնոլորտ վնասակար նյութերի արտանետման առավելագույն թույլատրելի մակարդակը: Այս մասին գրում է BBC-ն:Այս որոշումները հետևել են ավելի քան 1 մլն չինական ընկերությունների ստուգումից հետո:
Չինաստանի իշխանությունները հայտարարում են, որ ստուգումների մի մասն իրականացվել է քաղաքացիների հարցմամբ, ովքեր ենթադրյալ խախտումների մասին հաղորդել են թեժ գծով:
Այս դեկտեմբերին սմոգի պատճառով Պեկինում առաջին անգամ հայտարարվել է վտանգավորության «կարմիր» մակարդակ: Դրա հետ կապված Չինաստանի մայրաքաղաքում փակվել են դպրոցները, դադարեցվել շինարարական աշխատանքները, ինչպես նաև երկու անգամ կրճատվել է ավտոմեքենաների երթևեկությունը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
