Tert.am-ը գրում է.
Грузия Online-ը հայտնում է, որ Ստամբուլում կայացել է Թուրքիայի պաշտպանության նախարար Իսմեթ Յիլմազի և նրա վրաց ու ադրբեջանցի գործընկերների հանդիպումը:
 
Թուրք նախարարը երեք երկրների համագործակցությունը օրինակելի է անվանել մնացած բոլոր երկրների համար: Հայտնի է, որ հանդիպման ընթացքում քննարկվել են այդ պետությունների զինված ուժերի համագործակցության հարցեր: Մոտ ապագայում նախատեսվում է եռակողմ փոխըմբռնման հուշագրի ստորագրում՝ համապատասխան ոլորտում:
 
Թուրք նախարարը նաև կարծիք է հայտնել, թե այդ երեք երկրների միջև համագործակցության խորացումը իր ավանդը կունենա տարածաշրջանում խաղաղության և կայունության ապահովման գործում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել