Օբաման վառել է Սպիտակ տան Սուրբծննդյան տոնածառի լույսերը

Barometer.am-ը գրում է.

ԱՄՆ նախագահ Բարաք Օբաման հինգշաբթի մասնակցել է Սպիտակ տան այգում գտնվող Սուրբծննդյան տոնածառի լույսերը վառելու ավանդական արարողությանը: 

Պետության ղեկավարը կնոջ և դստրերի հետ հետհաշվարկ են արել,  որից հետո մի քանի մետրանոց տոնածառը լույսերով է զարդարվել: Դրանից հետո Օբաման շնորհավորել է ներկաներին գալիք Սուրբ ծննդի կապակցությամբ, որը ԱՄՆ-ում նշվում է դեկտեմբերի 25-ին:

Արարողությունը, որ տեղի է ունեցել արդեն 98-րդ անգամ, շարունակվել է համերգով, որին մասնակցել են հայտնի երգիչներ: