Թուրքը վերցրել է հայկական Վանա կատուն և այն դարձրել ազգային, այժմ խրախուսվում է այդ տարածաշրջանում Վանա կատվի բազմացումը իսկ քաղաքացիների կողմից այդ կատուն դարձել է տանը պահելու անհրաժեշտություն և անձնական պարտավորվածություն:
Վերջապես հայերը հաստատեցին գամփռ ցեղատեսակի շան հայկական լինելը, իսկ մենք միայն տեսնում ենք խասկի, աֆչառկա ու տուզիկ շների, ոչ մի տեսակի առաջխաղացում չկա հայկական շան բազմացմանը (չասեք՝ գամփռը սարի շուն ա, նման պատասխանի համար խասկին ձյան ու լեռների շուն ա, ու Հայաստանում իրա կյանքը կրճատվում ա 5 մարդկային տարով):
Թուրքիան, վախենալով Ցեղասպանության ընդունման համար, հայկական տարածքներում չի բնակեցրել թուրքերին, փոխարենը հաստատել է քրդերին և ֆինանսապես անկայուն ու անմխիթար վիճակի է այն թողել, վերջին տարիներին գիտակցելով այդ հողերի իրենցը լինելը՝ արդեն փորձում է մաքրել այն քրդերից:
Հայը հազիվ ազատագրել է Արցախը, բայց, միևնույնն է, Հայաստանում դեռ տարանջատում են երևանցի, գյումրեցի, ղարաբաղցի և այլն:
Միգուցե պահանջելուց առաջ փորձենք պահել մերը և գնահատել այն, ինչ ունենք այժմ:
Սա ազգային հարց է, և այն չքաղաքականացնել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել