Tert.am-ը գրում է.

Հունգարիայի վարչապետի կաբինետի ղեկավար Յանոշ Լազարը հայտարարել է, որ Ֆրանսիայի մայրաքաղաքում ահաբեկչությունների գլխավոր կազմակերպիչներից մեկը մինչ այդ Բուդապեշտում է գտնվել:

«Կարող եմ հաստատել` հիմնվելով Հունգարիայի գաղտնի ծառայությունների  ներկա տեղեկատվության վրա, որ Փարիզի ահաբեկչությունների գլխավոր կազմակերպիչներից մեկը Բուդապեշտում է եղել», -  պաշտոնյային մեջբերում է Reuters գործակալությունը:

Կասկածյալը Հունգարիա է ժամանել երկրի արևելյան երկաթուղային կայարանով: Լազարը չի մասնավորեցրել նրա անունը և թե Հունգարիայի մայրաքաղաքի որ հատվածում է մնացել վերջինս:

Հիշեցնենք, որ ներկա պահին միջազգային հետախուզում է հայտարարվել նոյեմբերի 13-ին  Փարիզում 130 մարդու կյանք խլած  ահաբեկչությունների կազմակերպման  գլխավոր կասկածյալ Սալահ Աբդեսլամը:
 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել