Ադրբեջանական Turan լրատվական գործակալության փոխանցմամբ` նոյեմբերի 26-ից Նարդարանում անցկացված հատուկ գործողության ընթացքում սպանվել է 5 մարդ, իսկ 32 մարդու հանդեպ որպես խափանման միջոց ընտրվել է կալանքը։Այդ մասին հայտարարել է Ադրբեջանի ՆԳՆ ղեկավար Ռամիլ Ուսուբովը։ Նրա խոսքով՝ հատուկ գործողության ժամանակ առգրավվել են վեց ինքնաձիգ, ատրճանակներ և այլ զինամթերք։ Նախարարը Նարդարանի բնակիչներին կոչ է արել զենքը կամավոր հանձնել ՆԳՆ-ին։ Ուսուբովը նկատել է, որ դեռ ոչ մեկը կամավոր չի հանձնել զենքը։ Նա խոստացել է, որ նրանք, ովքեր կամավոր կհանձնեն զենքը, կազատվեն քրեական պատասխանատվությունից։ Ուսուբովի խոսքով՝ Նարդարանում հատուկ գործողությունը շարունակվում է։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
