Չինաստանում բրիտանական գարեջրի պահանջարկը կտրուկ աճել է նախագահի լուսանկարից հետո

BBC-ի ռուսական ծառայության փոխանցմամբ՝ բրիտանական Greene King գարեջրային ընկերությունը 16 անգամ մեծացրել է իր արտադրանքի արտահանումը Չինաստան։ Դա տեղի է ունեցել Չինաստանի նախագահ Սի Ծինփինի Բրիտանիա պետական այցից հետո, որի ժամանակ նա լուսանկարվել էր այդ գարեջուրը ձեռքին։

Ընկերությունը հայտնել է, որ Չինաստանում բարձրացել է գարեջրի հենց այն տեսակը, որով լուսանկարվել են Չինաստանի նախագահն ու Մեծ Բրիտանիայի վարչապետ Դևիդ Քեմերոնը։ Greene King-ի ղեկավար Ռունի Անադը հայտարարել է, որ եթե Մեծ Բրիտանիայի վարչապետը նախընտրում է IPA, դա նորմալ է, իսկ եթե Չինաստանի առաջնորդն է նախընտրում բրիտանական գարեջուր, դա հարուցում է հետաքրքրություն։