Կրեմ բրյուլեն աղանդեր է կարամելի շերտով։ Կրեմ բրյուլեի հայրենիքը հայտնի չէ, սակայն գոյություն ունի մի քանի վարկած։
Ըստ անգլիականան տարբերակի՝ այն առաջին անգամ պատրաստվել է XVII դարում Քեմբրիջի համալսարանում գտնվող Տրինիտի քոլեջում՝ «burnt cream» անունով, «Cambridge burnt cream» կամ «Trinity cream»։
Սակայն այս ուտեստն առաջին անգամ հանդիպել է ֆրանսիացի Ֆրանսուա Մեսյալոյի 1691 թվականի գրառումներում, ով հերցոգ Օռլեանի խոհանոցի ղեկավարն էր, և այդ պատճառով կրեմ բրյուլեն սկսել են դասել ֆրանսիական խոհանոցի դեսերտների շարքին:
Բաղադրիչներ
- սերուցք մինչև 20% յուղայնությամբ - 500մլ
- կաթ - 500մլ
- շաքարավազ - 150գր
- ձու - 6 հատ (դեղնուց)
- վանիլին - 6գր
Պատրաստման եղանակ
- Կաթսայի մեջ խառնում ենք կաթը, սերուցքն ու վանիլինը, դնում միջին կրակի վրա և հասցնում եռման աստիճանի:
- Առանձին տապակի մեջ լցնում ենք շաքարավազը, դնում թույլ կրակի վրա ու հալեցնում (մինչև ստացվի կարամելային զանգված):
Ապա կարամելային զանգվածը լցնում ենք եռացող կաթային զանգվածի վրա, խառնում, մինչև ստացվի միատարր զանգված և հանում կրակի վրայից:
- Ստացված զանգվածը անցկացնում ենք մաղի միջով:
- Առանձին ամանի մեջ հարում ենք ձվի դեղնուցները, ապա շարունակելով հարել՝ ավելացնում ենք եփած զանգվածը և խառնում:
- Ստացված զանգվածը կրկին անցկացնում ենք մաղի միջով և լցնում ձևամանների մեջ:
- Դնում ենք ձևամանները ջրով լցված տապակի մեջ ու դնում ջեռոցը 40 րոպեով 100 աստիճանում:
- Պատրաստի դեսերտը հանում ենք ջեռոցից, վրան շաղ ենք տալիս շաքարավազը և վառում ենք երեսը խոհանոցային կրակայրիչով մինչև շաքարային շերտի առաջանալը:
- Թողնում ենք, որ դեսերտը հանգստանա 10 րոպե և մատուցում:
Մատուցելիս կարող եք զարդարել կրեմ բրյուլեն հատապտուղներով կամ անանուխի տերևներով:
Նյութի աղբյուր՝ http://www.cooks.am/%D5%AF%D6%80%D5%A5%D5%B4-%D5%A2%D6%80%D5%B5%D5%B8%D6%82%D5%AC%D5%A5/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
